ATO: Aktualisht përgjohen 188 numra telefonikë

Maqedonia

ATO: Aktualisht përgjohen 188 numra telefonikë

Më: 14 mars 2019 Në ora: 17:37

Emil Dimitriev, kryetar i komisionit parlamentar për ATO-në, tha se ATO-ja për momentin, në masën për ndjekjen e telekomunikimeve, ndërmjetëson për 188 numra telefonik në vend.

“Masa pranohet nga institucione të ndryshme të cilat kanë mundësi ligjore për këtë. Nga ajo që vërejti komisioni, në këtë moment nuk shohim shkelje të procedurës dhe ATO-ja punon sipas dispozitave ligjore dhe akteve të saj nënligjore”, tha Dimitriev.

Ndërsa, Zoran Angellovski, drejtor i ATO-së, tha se pjesa më e madhe janë me kërkesë të Drejtorisë për Siguri dhe Kundërzbulim dhe Byrosë për Siguri Publike.

“ATO-ja aktualisht punon sipas të gjithë dispozitave ligjore, proceset dokumentohet plotësisht dhe janë të hapura për vëzhgim si nga Komisioni parlamentar për monitorim po ashtu edhe nga komisionet tjera kompetente”, tha ai.

Megjithatë, Komisioni parlamentar ka bërë vetëm vëzhgim normativ, kërkesat e institucioneve për përgjim, shqyrtimin e urdhrave gjyqësor për zbatimin e kësaj mase, arkivimin dhe ruajtjen e dokumenteve. Por, aspekti Teknik mbetet i pamonitoruar, për shkak të mungesës së ekspertëve teknik të cilët nuk janë angazhuar akoma. Me këtë, Komisioni duke mos njohur aspektin teknik të funksionimit të pajisjeve për përçimin e sinjalit, nuk mund të konstatojë nëse ATO-ja, eventualisht, do të ndërmjetësonte përgjime të paligjshme.

Kreu i Komisionit Emil Dimitriev, deklaroi se në këtë rast, përgjegjësi duhet të mbajnë ata që kanë vonuar procedurat për angazhimin e eskpertëve, duke aluduar në Kuvendin.

Drejtori i ATO-së Zoran Angellovski shtoi se ATO-ja për momentin ka gjithsej 22 të punësuar të cilët i mbulojnë të gjithë pozitat me të cilët agjencia e kryen funksionin e plotë. Ai nuk e përjashtoi mundësinë e punësimeve të reja gjatë muajve të ardhshëm.

commentFirst article
Sot mund të lexoni Shfletoni kopertinat