Një aksident komunikacioni ka ndodhur në magjistralen Gostivar – Kërçovë ndërmjet dy veturave, me ç’rast janë lënduar gjashtë persona.
Sipas të dhënave fillestare, aksidenti ka ndodhur rreth orës 13:30, ndërkaq janë përfshirë një veturë “Passat” me regjistrim të Tetovës dhe një veturë “BMW” me regjistrim të Gostivarit.
Të lënduarit janë dërguar në Spitalin e përgjithshëm të Gostivarit për të marrë trajtimin e nevojshëm mjekësor.
Për këtë shkak, komunikacioni në afërsi të aksidentit është duke u zhvilluar ngadalë sepse janë duke u kryer kontrollet e nevojshme dhe analizat e kësaj fatkeqësie të komunikacionit.
