URM paralajmëron sanksione ndaj Tatjana Lazarovskës - Bota Sot
URM paralajmëron sanksione ndaj Tatjana Lazarovskës

Maqedonia

URM paralajmëron sanksione ndaj Tatjana Lazarovskës

Më: 25 mars 2019 Në ora: 21:57
Foto ilustrim

Shtabi i Përgjithshëm i Ushtrisë së Republikës së Maqedonisë së Veriut paralajmëron sanksione ndaj ushtares profesionale Tatjana Lazarovskës, për shkak të shpërndarjes së gjuhës së urrejtjes në rrjetet sociale. Lazarovska u dënua nga publiku dhe mediat pasi që nga profili i saj në Facebook ajo komentoi në lidhje me terroristin nga Zelanda e Re, përgjegjës për masakrën në dy xhamitë ku ngelën të vrarë 50 persona, ku shkruan se ai e meriton Çmimin Nobel.

Për komentin e saj të frikshëm kanë shënuar sot edhe mediat rajonale.

Nga URM konfirmojnë se Lazaovska është e punësuar si ushtare profesionale. Nga atje e dënojnë komentin e saj dhe thonë se do të ngritet procedurë disiplinore.

“Në lidhje me pyetjen tuaj nëse në radhët e Ushtrisë ka një person me një emër të caktuar dhe mbiemër që media të caktuara lidhen me statusin e publikuar të një profil personal në rrjetin social “Facebook”, Ju njoftojmë se pas inspektimit u konstatua se në përbërjen e njësive të shtabit të përgjithshëm ka një ushtar profesionist me këto të dhëna personale. Sipas njohurive tona, sipas rregullave ligjore dhe kompetencave, është ngitur procedurë për përcaktimin e përgjegjësisë dhe kanë filluar masat disiplinore përkatëse. Shtabi i Përgjithshëm dënon fuqishëm çdo formë shprehjeje të çfarëdo lloji të jotolerancës, sjelljes diskriminuese ose mbështetjes së cilitdo prej tyre. Nga Shtabi i Përgjithshëm është udhëzuar për komandat vartëse dhe njësive që gjithmonë të marrë masat e duhura për të parandaluar dhe sanksionuar në mënyrë të rreptë në kuadër të kornizave ligjore të çfarëdo forme të sjelljes së papërshtatshme dhe prishjen e imazhit të ushtrisë sonë nga anëtarët e saj”, thonë nga URM për “Liberats”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...