Partia maqedonase në pushtet LSDM, përmes një kumtese për media thekson se prodhimtaria industriale në muajin shkurt ka shënuar rritje prej 7.3 përqind, ekonomia është zhvilluar dhe se shteti është në rrugën e duhur.
Sipas kësaj partie, treguesit ekonomik janë të qartë dhe vazhdimisht e konfirmojnë suksesin e politikave qeveritare.
“Pas rritjes më të lartë të industrisë në shtatë vitet e fundit, industria vazhdon të rritet edhe në vitin 2019. Sipas statistikave zyrtare të Entit Shtetëror të Statistikës, prodhimi industrial në shkurt të këtij viti u rrit me 7.3% krahasuar me të njëjtin muaj të vitit 2018. Në të njëjtën kohë, rritja e industrisë për periudhën janar-shkurt 2019 është 9.6% më e lartë se e njëjta periudhë vitin e kaluar”, thonë nga LSDM.
Ata shtojnë se me anëtarësimin e vendit në NATO dhe BE, në mënyrë shtesë do të intensifikohen trendet pozitive ekonomike.
