Kryeministri i Greqisë, Alexis Tsipras të martën më 2 prill, do të jetë për vizitë zyrtare në Maqedoninë e Veriut.
Kjo do të jetë vizita e parë e nivelit të lartë të një kryeministri grek që nga pavarësia e Maqedonisë së veriut në vitin 1991.
Delegacioni që Tsiprasi e udhëheq do të pritet në aeroportin e Shkupit, më pastaj do të ketë pritje solemne para Qeverisë së Republikës së Maqedonisë së Veriut.
Kryeministrat Zaev dhe Tsipras së pari do të bisedojnë tet-a-tet, e më pastaj është paraparë mbledhje të përbashkët të dy qeverive. Gjithashtu është paraparë edhe konferencë e përbashkët për shtyp.
Tsipras do të takohet me kryetarin e Kuvendit të RMV-së, Talat Xhaferi ndërsa me të do të jenë të pranishëm edhe përfaqësuesit të biznesit.
