Siç raportojnë nga AIM, biznesmenë nga Greqia që morën pjesë në forumin e djeshëm në Shkup, dhe tashmë janë aktiv në Maqedoninë e Veriut, duke folur për agjencinë greke “ANA-MPA” thonë se janë të kënaqur nga klima biznesore dhe bashkëpunimi në Maqedoninë e Veriut.
Ata shprehen optimist për marrëdhëniet bilaterale biznesore mes dy vendeve fqinje posaçërisht pas marrëveshjes së Prespës.
Në forumin e djeshëm në Shkup morën pjesë mbi 100 biznesmenë grek që kishin mundësi të bisedojnë me kolegët e tyre nga Maqedonia e Veriut.
Kryetarët e “GEK Terna” dhe “Intrakat” i ndajnë përvojat e tyre me ne. Kompania e parë është e pranishme në Maqedoninë e Veriut që nga vitit 1989, kurse e dyta në 10 vitet e kaluara.
“Që nga viti 1989 jemi aktiv të dhe jemi të kënaqur me bashkëpunimin tonë me njerëzit. Do të vazhdojmë me biznesit dhe investimet, nëse zgjidhen çështjet e hapura”, thotë kryetari i ‘GEK Terna”, Giorgios Peristeris.
Ai për agjencinë greke sqaron se kanë pasur bashkëpunim për prodhime industriake që i kanë transportuar në Selanik, por në periudhën e fundit ka çështje që duhet zgjidhur.
“Mendoj se ky vend dhe vendi ynë janë të afërta. Asgjë nuk na ndan, vetëm disa çështje që na bashkojnë”, thotë Dimitris Kutras, kryetar i kompanisë ndërtimore “Intrakat”, që punon në ndërtimin e spitalit në Shtip.
Kryetari i industrisë greke të aluminit “Almuil” për “ANA-MPA” komenton se ajo çfarë është e rëndësishme është se ekziston marrëveshje që hap rrugën e bashkëpunimit.
“Ne biznesmenët, pavarësisht nga kushtet, përpiqemi ta shfrytëzojmë tregjet. Kur këto tregje nuk kanë probleme apo situata që mund të krijojnë probleme, edhe më shumë e lehtësojnë biznesit. Jam i sigurt se shumica që mendojnë për hapjen e biznesit n Shkup ishin disi të përmbajtur, ndërsa pas marrëveshjes së Prespës do ta bëjnë këtë:, thotë Jorgos Milonas.
Përndryshe, dje pas takimit të dy kryeministrave Zoran Zaev dhe Alexis Tsipras dhe nënshkrimit të marrëveshjeve bilaterale mes Maqedonisë së Veriut dhe Greqisë, u mbajt mbledhje e Forumi biznesor mes Maqedonisë së Veritu dhe Greqisë.
