Kryeministri i Greqisë, Alexis Tsipras në fjalimin e tij në Dubrovnik gjatë konferencë 16+1, tha se së bashku me kolegun tim, Zoran Zaev, kemi arritur të zgjidhim çështjen e emrit midis Greqisë dhe Maqedonisë së Veriut, gjë që është veçanërisht e rëndësishme për rajonin e Ballkanit, njofton AIM nga Athina.
“Unë besoj se ky është një moment shumë kritik për zhvillimet në botë dhe rajon dhe ne duhet të lëmë krizën pas nesh dhe të krijojmë bazë të reja për të mbështetur bashkëpunimin tonë rajonal dhe global. Pra, ajo që po përpiqemi të arrijmë është të përballemi me sfida të tilla si mosmarrëveshjet në rajonin tonë. Në veçanti, kohët e fundit, së bashku me kolegun tim, Zoran Zaev, kemi arritur për të zgjidhur çështjen e emrit midis Greqisë dhe Maqedonisë së Veriut, e cila është shumë e rëndësishme për rajonin e Ballkanit”, tha Alexis Tsipras.
Sipas agjencisë greke të lajmeve “ANA-MPA”, në margjinën e konferencës u mbajt takim edhe në mes kryeministrave të Maqedonisë së Veriut dhe Greqisë dhe Kroacisë ku u bisedua për bashkëpunimin në mes këtyre tre vendeve.
Greqia këtë vit për herë të parë merr pjesë në Iniciativën 16+1. Më parë, arsyeja për mos pjesëmarrjen ishte sepse Kina dhe vendet e tjera pjesëmarrëse e kishin njohur Republikën e Maqedonisë së Veriut nën emrin e atëhershëm kushtetues.
