Nebi Hoxha, Kryetar i Odës Ekonomike të Maqedonisë Veri-Perëndimore ka thënë se autostrada Shkup – Bllacë edhe pse është e një rëndësie thelbësore ende nuk po fillon të ndërtohet.
“Edhe pse ka gatishmëri për të biseduar për këto projekte, megjithatë këtë vit nuk janë ndarë fonde për autostradën Shkup-Bllacë, edhe pse ajo është një prioritet i rëndësishëm për ekonominë tone, e para së gjithash nëse e kemi parasysh tregtinë me Kosovën, ku kemi suficit të madh. Duhet ta lehtësojmë qarkullimin drejt të gjithë fqinjëve ku kemi suficit dhe jo anasjelltas. Gjithashtu nuk parashikohet hapja e terminalit kufitar në Jazhincë dhe as më pak, nuk parashikon fonde për infrastrukturën rrugore nga Tetova në Jazhincë. Nuk ka asnjë dyshim se terminal doganor në Jazhincë është i rëndësishëm për rritjen ekonomike, për shkak se kjo është shumë afërt me rajonin e Pollogut, ku gravitojnë mbi 7000 subjekte ekonomike. Kompanitë, për vetëm 20 kilometra mund të arrijnë në terminalin doganor në Jazhincë, ndërsa nëpërmjet Bllacës duhet të kalojnë mbi 100 km, e që nënkupton kosto shtesë për kompanitë”, tha Hoxha në intervistë për “Gazetën e pavarur”.
Ai gjithashtu ka folur edhe për rëndësinë e “Rrugës së Arbërit”. “Ruga është Arbërit" është gjithashtu e rëndësishme për kompanitë, sepse ndërtimi i kësaj rrugës do ta shkrutojë për 100 kilometra distancën aktuale Shkup – Tiranë. Nëpërmjet kësaj rruge do t’iu undësohet kompanive më lehtë dhe më shpejtë të arrijnë në tregun shqiptar dhe portin e Durrësit. Ne jemi dëshmitarë se në anën shqiptare po bëhen punime intensive dhe mbetemi nga ana jonë për të bërë të përfunduar pjesën nga Kërçova në Dibër”, tha Hoxha.
