Kryetari i Kuvendit të Maqedonisë së Veriut, Talat Xhaferi ka caktuar seancë më 24 prill, gjegjësisht disa ditë pas rrethit të parë të zgjedhjeve presidenciale.
Në seancën e njëjtë të votimit do të votohet për herën e dytë për ligjet që presidenti Gjorge Ivanov refuzoi t’i nënshkruaj me qëllim që të mos figuron nënshkrimi i tij me emrin e ri kushtetues.
Midis tyre janë ndryshimet në ligjin për kodin zgjedhor, si dhe ligjin për ekzekutimin e sanksioneve, në ligjin për shërbimet, ligjin për borxhin publik, ligjin për regjistrimin e pagesave në para të gatshme, ndryshimet në ligjin për qeverinë.
Xhaferi në takimin e fundit me gazetarët njoftoi se ligjet e kthyera prapë do të presin nënshkrimin e presidentit të ri.
