Deputeti i Lëvizjes Vetëvendosje, Rexhep Selimi, ka kërkuar që të votohet kandidati i vetëm shqiptar për president të Maqedonisë së Veriut.
Në një reagim të tij, Selimi ka thënë se kandidimi i Blerim Rekës për president të Maqedonisë së Veriut, është shancë historike për shqiptarët, pasi që nuk mbahet mend që ndonjë shqiptar të ketë kandiduar ndonjëherë për këtë post.
Mirëpo, ajo që e ka habitur deputetin Selimi, është fakti që disa politikanë shqiptarë të Maqedonisë së Veriut, të cilët janë duke e mbështetur kandidatin maqedonas.
Madje, Selimi thotë se disa politikanë shqiptarë të Maqedonisë, përveç që nuk po e përkrahin profesor Rekën, kanë filluar që ta pengojnë në suksesin e tij që pritet ta shënojë në zgjedhjet për president të Maqedonisë së Veriut.
Zgjedhja e Blerim Rekës, president, për Rexhep Selimin, do të ishte një shancë që shqiptarët e Maqedonisë të jenë edhe më të fortë dhe të unifikuar.
