Përveç zgjedhjeve presidenciale, në Maqedoni sot mbahen edhe zgjedhje lokale në Komunën e Ohrit, Dibrës dhe Novo Sellës.
Siç informuan nga Komisioni Shtetëror i Zgjedhjeve, dalja e përgjithshme tek këto tre komunat deri në orën 15:00 ka qenë 42.47% , ose 34.814 votues.
Në Komunën e Dibrës deri në orën 17:00 dalja e votuesve ka qenë 36.31%, ose 6.735 votues.
Ndërsa në Komunën e Novo Sellës deri në orën 17:00 për të votuar kanë dalë 43.93%, ose 4.713 votues.
Ndryshe, Ohri dhe Dibra mbetën pa kryetar për shkak të vdekjes së kryetarëve të zgjedhur në zgjedhjet e 2017. Ndërsa ish-kryetari i Novo Sellës u arrestua për trafikim të paligjshëm të cigareve në kufinjtë e Maqedonisë.
