Nga partia opozitare OBRM-PDUKM thonë se ekonomia e Maqedonisë është para kolapsit, qytetarët nuk kanë bukë, ndërsa për Zaevin më e rëndësishëm është që gjithë javën të vozitet me motorin e shtrenjtë.
“Asnjë fshesë, asnjë dorëheqje nuk mund të kompensojë dëmin që Zoran Zaev, Tevdovski dhe Angjushev i kanë shkaktuar ekonomisë së Maqedoni për dy vjet.
Të gjithë treguesit ekonomikë tregojnë faktin se ekonomia e Maqedonisë po fundoset, fundoset për shkak të politikave shkatërruese ekonomike të fuqisë kriminale të të Zoran Zaevit. Ndërkohë që qytetarët luftojnë për një copë bukë, zyrtarët qeveritarë numërojnë milionat në llogaritë e tyre, të fituara përmes ofertave kriminale dhe granteve pas shpinës së qytetarëve”, akuzojnë nga OBRM-PDUKM.
Nga OBRM-PDUKM thonë se në tre muajt e parë të vitit të ri, qeveria e LSDM-së realizimin e investimeve kapitale ka mbetur në fund. Realizimi i investimeve kapitale nuk ishte më i mirë edhe vitin e kaluar
