Ambasadori i Italisë në vend Carlo Romeo sot pasdite ishte për vizitë në qytetin e Dibrës.
Ai realizoi takim me kryetarin e komunës Hekuran Duka, i cili e njoftoi për mundësitë për bashkëpunim në plan ekonomik, për kushtet që i posedon komuna dhe përfitimet që ofrojnë në raport me hapjen e ndërmarrjeve të vogla dhe të mesme.
“Bëhet fjalë edhe për promovimin e gjuhës dhe kulturës italiane nëpërmjet binjakëzimit të komunës tonë me ndonjë në Republikën e Italisë. Takimi ishte në atmosferë pozitive dhe miqësore”, njoftuan nga komuna e Dibrës.
Ambasadori Romeo është njoftuar edhe me faktin se për disa mijëra dibran, Italia është shtëpia e dytë dhe se janë të përfshirë në jetën e përgjithshme në këtë vend.
