Ligjet e sferës së sigurisë sot para deputetëve në Maqedoninë e Veriut

Maqedonia

Ligjet e sferës së sigurisë sot para deputetëve në Maqedoninë e Veriut

Më: 22 maj 2019 Në ora: 08:35
Kuvendi i Maqedonisë së Veriut

Kuvendi i Maqedonisë së Veriut sot duhet ta mbajë seancën e 99-të në të cilën në lexim të dytë janë shumë ligje nga sfera e sigurisë.

Në këtë seancë duhet të shqyrtohet Propozim plotësim-ligji për Agjencinë për Siguri Kombëtare, Propozim plotësim-ligji për koordinim të bashkësisë së sigurisë-zbulimit në Republikën e Maqedonisë së Veriut, Propozim plotësim -ligjin për ndryshimin e Ligjit për ndjekjen e komunikimeve, Propozim plotësim-ligjin për ndryshime dhe plotësime të Ligjit për punë të brendshme dhe Propozim plotësim- ligjin për ndryshimin dhe plotësimin e Ligjit për të huaj, të gjitha në lexim të dytë.

Deputetët duhet ta shqyrtojnë edhe Propozim vendimin për publikimin e shpalljes publike për zgjedhje të shoqatave nga sfera e të drejtave të njeriut, të drejtës së policisë dhe jurisprudencës i ngritur nga Jovan Mitreski, Snezhana Kalevska, Keti Smilevska.

Sot mund të lexoni Shfletoni kopertinat