“Maqedonia e Veriut ka shënuar rezultate më të mira në zbatimin e masave nga programi për reforma ekonomike në krahasim me vendet tjera, sipas vlerësimeve nga ana e Komisionit Evropian”.
Këtë e theksoi ministri i Financave Dragan Tevdovski, në konferencën e sotme për fillimin e programit për reforma ekonomik 2020-2022.
“Anëtarësimi në BE është prioritet i qartë i qeverisë. Kjo shihet edhe nga zbatimi i masave të programit për reforma ekonomike. Për krahasim, pasi kanë filluar përgatitjet për programin, deri në vitin 2017, realizimi i rekomandimeve ka qenë mjaft i ulët. Vazhdimisht është theksuar se vendi nuk ka strategji për reforma në financat publike, transparencë të pamjaftueshme në financat publike dhe ndryshim i shpeshtë i ligjeve”, tha Tevdovski.
Ai shtoi se me dy programet e fundit për reforma ekonomike, konkretisht programi 2018 dhe programi 2019, është bërë kthim komplet në vendosjen dhe realizimin e masave.
