Zaev: Qeveria ime ka mbyllur të gjitha çështjet - Bota Sot
Zaev: Qeveria ime ka mbyllur të gjitha çështjet

Maqedonia

Zaev: Qeveria ime ka mbyllur të gjitha çështjet

Më: 2 qershor 2019 Në ora: 17:51
Zoran Zaev

Kryeministri i Maqedonisë Veriore, Zoran Zaev, në forumin e mbajtur në dyvjetorin e formimit të qeverisë së tij, tha se kanë arritur të mbyllin të gjitha çështjet e pazgjidhura dhe të marrë përgjegjësinë, të cilën askush nuk është përpjekur ta marrë gjatë tre dekadave të fundit.

"Ne ruajtëm gjuhën dhe identitetin maqedonas. Tani qytetarët tanë po presin për një lëvizje të qartë nga Bashkimi Evropian. E vetmja gjë që na intereson është e ardhmja. Është koha për t'i treguar botës një Ballkan të ndryshëm, ku fqinjët janë miq, të përqendruar në përparimin e shoqërisë. Duke shikuar kah e kaluara, ne mund të humbim vetëm ", tha Zaev.

"Nesër, fillon një takim dy-ditor i NATO-s dhe ne kemi pasur nderin dhe privilegjin të mbahet te ne. Dallimi i madh është vendi ku ishim dy vjet më parë dhe ku jemi tani ", shtoi ai.

Zaev tha se qeveria e tij ka zgjedhur të ardhmen dhe jo izolimin, dhe ky është një dallim i madh, se ku ishte vendi në të kaluarën, dhe ku është tani.

Zëvendëskryeministri për Integrime Evropiane, Bujar Osmani, njoftoi se 2019 do të jetë një vit historik, të cilin brezat janë duke e pritur për 20 vjet, pasi në qershor ose korrik do të miratohet vendimi për nisjen e negociatave të pranimit me BE-në.

Forumi me rastin e dy vjet nga formimi i një qeverie të udhëhequr nga Zoran Zaev u ndoq nga përfaqësues të sektorit civil, komunitetit akademik, të cilët kanë debatuar pas deklaratave hyrëse.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...