Mbrëmë jehuan këngë kundër shqiptarëve në qendër të Shkupit

Maqedonia

Mbrëmë jehuan këngë kundër shqiptarëve në qendër të Shkupit

Më: 3 qershor 2019 Në ora: 09:29

Vardari i Shkupit është shpallur kampion i Evropës në Hendboll duke e fituar garën prestigjioze, Ligën e Kampionëve.

Skuadra nga Maqedonia e Veriut triumfoi përballë klubit hungarez, Telekom Veszprem, në finalen e zhvilluar në Koln të Gjermanisë.

Por, si çdo herë, shqiptarët janë ata që ofendohen nga tifo grupi i quajtur “Komiti”.

“Shqiptarët e mjerë”, “Vdekje shqiptarëve” dhe brohoritje tjera të turpshe ishin mbrëmë në repertuarin e këngëve të këtij tifo grupi që në zemër të Shkupit festonte fitoren e Vardarit.

Ftesa për të parë lojën së bashku në qendër të Shkupit ka qenë nga kryebashkiaku i Shkupit, Petre Shilegov i cili ende nuk ka reaguar për këtë ngjarje.

Gjithashtu nuk kanë reaguar as nga institucionet tjera përgjegjëse.  E këto brohoritje të çmendura nuk janë për herë të parë.  Edhe më herët ka pasur ofendime dhe mallkime për shqiptarët.

commentFirst article
Sot mund të lexoni Shfletoni kopertinat