Komuna e Ohrit dënon incidentin në mes këshilltarëve të BDI-së dhe Lëvizjes Besa - Bota Sot
Komuna e Ohrit dënon incidentin në mes këshilltarëve të BDI-së dhe Lëvizjes Besa

Maqedonia

Komuna e Ohrit dënon incidentin në mes këshilltarëve të BDI-së dhe Lëvizjes Besa

Më: 11 qershor 2019 Në ora: 14:25
Komuna e Ohrit

Komuna e Ohrit përmes një komunikate për media ka reaguar në lidhje me incidentin e djeshëm në mes këshilltarëve të BDI-së dhe Lëvizjes Besa.

Nga vetëqeverisja lokale thonë se këshilltarët janë zëri i qytetarëve dhe duhet të punojnë në interes të tyre.

“Vetëqeverisja lokale e dënon incidentin e djeshëm në mes këshilltarëve dhe thekson se kjo nuk ju ngjan të zgjedhurve si përfaqësues të qytetarëve. Këshilltarët janë zëri i qytetarëve, ndërsa Këshilli si organ më i lartë përfaqësues, duhet të punojë në interes të qytetarëve dhe zgjidhjen e problemeve të tyre”.

“Theksojmë se sjellje të tilla janë incidente të izoluara dhe nuk do të përsëriten në të ardhmen. Ftojmë të gjithë këshilltarët të sillen në frymën e demokracisë dhe respektimin e dallimeve ndryshe”, thuhet në reagimin e Komunës së Ohrit.

Ndryshe, dje Lëvizja Besa njoftoi se këshilltari i tyre Xhemal Mena është sulmuar fizikisht nga këshilltari i BDI-së, pasi nuk ka votuar për një çështje gjatë seancës së këshillit komunal.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...