Grubi: Kryetarët e degëve nuk janë shkarkuar, u ka kaluar mandati - Bota Sot
Grubi: Kryetarët e degëve nuk janë shkarkuar, u ka kaluar mandati

Maqedonia

Grubi: Kryetarët e degëve nuk janë shkarkuar, u ka kaluar mandati

Më: 11 qershor 2019 Në ora: 20:33
Artan Grubi

Sekretari Organizativ Bashkimit Demokratik për Integrim, Artan Grubi ka demantuar lajmin se janë shkarkuar të gjithë kryetarët e degëve të kësaj partie. Ai në rrjetin social Facebook shkruan se kryetarëve aktual u ka skaduar mandati.

“Kryetarëve të degëve aktual u ka skaduar mandati qysh vitin e kaluar dhe siç kemi njoftuar opinionin e gjerë, në mbledhjen e kryesisë dhe këshillit të përgjithshëm, para zgjedhjeve presidenciale, u formua grupi përgjegjës për mbajtjen e kuvendit rinor dhe të grave, riregjistrimit të anëtarësisë, mbajtjes së zgjedhjeve në këshilla vendor dhe degë si dhe organizimin e kongresit zgjedhor të BDI.

Rrjedhimisht, zgjodhëm kryesinë e re të rinisë dhe të forumit të grave në kuvende spektakolare dhe masovike, përfunduam riregjistrimin e anëtarësisë dhe hapi i radhës është mbajtja e zgjedhjeve brenda partiake.

Për këtë, në mbledhjen e djeshme të kryesisë u përcaktuan përgjegjësit për zbatimin e zgjedhjeve në çdo degë. Pas këtij procesi zgjedhor, vijon organizimi i kongresit zgjedhor të BDI”, shkruan Grubi.

Ai shton se asnjë shkarkim i kryetarëve të degëve nuk ka ndodhur, por janë shpallur zgjedhjet brenda partiake në përputhje me statutin partiak.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...