Shteti i Maqedonisë do të kërkojë që ish-kryeministri Nikolla Gruevski, të ekstradohet nga Budapesti si i dyshuar për ngjarjet e 27 prillit në Kuvend.
Ministrja e Drejtësisë Renata Deskoska, tha se dosja është kompletuar dhe do të dërgohet tek autoritetet hungareze.
“Dosja e plotë për 29 prillin nga Prokuroria dhe gjykata është kompletuar javën e kaluar. Këto ditë do të dërgohet në Budapest”, tha Deskoska.
Shteti për më shumë se gjashtë muaj e kërkon Gruevskin, i cili ka fituar azil politik në Hungari, për të vuajtur dënimin me dy vjet burg.
