Ambasada e Spanjës në Shkup demanton informatat se së bashku me gjashtë shtete tjera anëtare të BE-së kanë qenë kundër caktimit të datës për fillim të negociatave me Maqedoninë e Veriut.
Siç thonë nga ambasada, Spanja njeh meritat e Republikës së Maqedonisë së Veriut, veçanërisht Marrëveshjen e Prespës i cili paraqet shembull për rajonin.
“Konsiderojmë se me komunikatën e kryesisë të këshillin roman të BE-së, hedhen poshtë spekulimet e publikuara dje nga ana e një politikani nga opozita nga Maqedonia e Veriut sipas të cilave, Spanja kinse paska qenë kundër datës për fillim të negociatave së bashku me gjashtë shtete tjera anëtare. Spanja i njeh meritat e Republikës së Maqedonisë së Veriut, veçanërisht Marrëveshjen e Prespës i cili është shembull për rajonin”, thuhet në komunikatën e Ambasadës së Spanjës në Shkup.
Ndryshe, këto turbullira i shkaktoi para disa ditëve deputeti i VMRO-DPMNE-së Antonio Milloshoski, i cili me një lajm nga prilli hutoi opinionin se shtatë vende kanë qenë kundër hapjes së negociatave me BE-në.
