Drejtori i Policisë Financiare Arafat Muaremi, ka konfirmuar se ish-ministri i Financave Zoran Stavrevski, është ftuar për bisedë informative në Policinë Financiare javën e kaluar.
Muaremi nuk zbuloi se për cilën lëndë është ftuar Stavrevski. “Zoran Stavrevski është ftuar në policinë financiare për bisedë për lëndë e cila ende është në procedurë para-hetimore dhe i njëjti pasi ka dhënë deklaratë para autoriteteve të policisë financiare, ka lëshuar objektin, ka deklaruar Arafat Muaremi për TV24.
Ish-ministri i Financave Zoran Stavrevski është i dyshuar në rastin “Dhurata” të Prokurorisë Speciale.
