Partia maqedonase në pushtet LSDM, përmes një kumtese për media thekson se prej sot qytetarët e Maqedonisë së Veriut gjatë çdo vizite në Shqipëri, Bosnjë e Hercegovinë, Serbi, Kosovë dhe Mal të Zi, do të kenë çmime më të lira deri 90 përqin për shfrytëzimin e shërbimeve të roamingut.
Nga LSDM thonë se me këtë ulen harxhimet për qytetarët dhe lehtësohet komunikimi.
“Prej 1 korrikut 2021 pritet të hyjë në fuqi edhe ‘roamingu si në shtëpi’, sipas shembujve të vendeve të BE-së, me çka qytetarët nuk do të paguajnë fare për shërbimet roaming”, thonë nga LSDM.
Ata shtojnë se qeveria e udhëhequr nga ata është e përkushtuar për krijimin dhe zbatimin e masave që do të ulin harxhimet e qytetarëve dhe do të kthejnë më shumë para tek buxheti familjar.
