Mbërrin në Shkup ambasadorja e re e SHBA-ve, Kate Byrnes - Bota Sot
Mbërrin në Shkup ambasadorja e re e SHBA-ve, Kate Byrnes

Maqedonia

Mbërrin në Shkup ambasadorja e re e SHBA-ve, Kate Byrnes

Më: 9 korrik 2019 Në ora: 17:01
Pamje nga takimi

Pas Jess Baily në Maqedoninë e Veriut ka zbarkuar ambasadorja e re, Kate Byrnes e cila në ambientet e ambasadës së SHBA-ve në Shkup është pritur nga ushtruesja e kësaj detyre deri tani, Micaela Schweitzer-Bluhm. Byrnes është diplomat karriere, veteranë me përvojë 24 vjeçare. Deri tani ka punuar si këshilltarë për marrëdhënie me opinioni në Ambasadën e SHBA-së në Madrid-Spanjë, ish përfaqësues civil në Departamentin e Shtetit në grupin operativ Baston/Broniko në aeroportin Xhalalabad-Afganistan dhe këshilltar për marrëdhënie me opinionin në Misionin e SHBA-së në NATO.

Byrnes ka magjistruar në Universitetin “George Town” në Uashington. Ajo flet gjuhën spanjolle, hungareze dhe turke, përcjell Shenja.

Nga shtatori 2017 punon në pozitën zëvendës-ambasadore në Ambasadën e SHBA-së në Athinë.
Një detaj nga biografia profesionale tregon se ardhja e saj në Maqedoni mund të jetë befasi vetëm për ata që nuk i ndjekin zhvillimet politike në vend nga Përzhino deri tani.

Pikërisht Byrnes është kyçur në mënyrë aktive në shprehjen e qëndrimeve amerikane dy vitet e kaluara- nga Marrëveshja e Përzhinos, PSP, kriza politike e shkaktuar nga Ivanov për të mos i dhënë mandatin Zaevit deri tek ngjarjet e 27 prillit.

Kate Marie Byrnes ishte zëvendës shef i misionit të SHBA-së në OSBE. Pikërisht nga Vjena, në disa raste, ka transmetuar qëndrimin e administratës amerikanë në kontekst të krizës politike.

Ajo pritet të mbajë mandat pesë vjeçar në Maqedoni kurse sot ajo ju është drejtuar të punësuarve në ambasadë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...