Maqedonia e Veriut, më afër anëtarësimit të plotë në NATO. Së fundmi protokollin për anëtarësim e ka miratuar Kuvendi i Turqisë dhe ai Çekisë. Shefi i delegacionit turk në Kuvendin e NATO-s, Osman Ashkin, në profilin e tij në Twitter shkroi se Turqia do të vazhdojë të mbështesë Maqedoninë e Veriut.
“Kuvendi i Madh kombëtar i Turqisë e ka përfunduar procesin e ratifikimit të Protokollit për Anëtarësimin e Maqedonisë së Veriut në NATO. Sikurse deri më tani, Turqia do të vazhdojë të mbështesë Maqedoninë e Veriut në procesin e integrimit euro-atlantik”, deklaroi Osman Ashkin, shef i delegacionit turk në Kuvendin e NATO-s.
Çekia është vendi i 21-të që miratoi protokollin për anëtarësim në NATO të vendit tonë. Zëvendëskryeministri çek Jan Hamçek tha para përfaqësuesve të Kuvendit se anëtarësimi i Maqedonisë së Veriut do të forcojë stabilitetin e rajonit.
Jemi të bindur se anëtarësimi i Maqedonisë së Veriut në NATO do ta forcojë stabilitetin e plotë dhe sigurinë e Ballkanit, ndërsa në të njëjtën kohë edhe vetë Aleancën- deklaroi Jan Hamaçek, zv/kryeministër i Çekisë.
Që Maqedonia e Veriut të bëhet anëtare e plotë e NATO-s, duhet protokollin për anëtarësim ta ratifikojnë edhe tetë vende të tjera si: Shtetet e Bashkuara të Amerikës, Mbretëria e Bashkuar e Britanisë, Franca, Holanda, Spanja, Italia, Luksemburgu, Islanda.
