Dy persona nga Gostivari janë arrestuar në vendkalimin kufitar Dojrani Vjetër me 20 qese mariuanë të cilën e kishin fshehur në veturë, deklarojnë nga MPB.
Nga atje thonë se të arrestuarit mariuanën kanë dashur që ta transportojnë jashtë vendit.
“Më 22.07.2019 në venkalimin kufitar Dojrani Vjetër janë arrestuar E.M. dhe E.H. të dy nga fshati Banjicë, Gostivar janë përpjekur që të transportojnë mariuanë nëpërmes vendkalimit kufitar. E.M. duke drejtuar automjetin transportues “Man” me targa të Shkupit dhe E.H. si bashkudhëtar i tij kanë pasur për qëllim që të dalin nga Republika e Maqedonisë së Veriut në vendkalimin kufitar Dojran i Vjetër, por gjatë kontrollit të kryer në automjet janë zbuluar 20 qese me mariuanë. Personat janë arrestuar dhe dërguar në stacionin policor, ndërsa kundër tyre është ngritur dhe kallëzim penal”, njoftojnë nga MPB.
