Nesër skadon afati që Ministria e Shëndetësisë dhe Ministria e Financave bashkërisht ju dhanë organizatave ndërkombëtare financiare dhe bankave ndërkombëtare për miratimin eventual të huas prej 500 milionë eurove, para që shteti planifikon të ndërtojë qendër të re klinike në Gjorçe Petrov.
Deri nesër bankat dhe organizatat financiare duhet të shprehin interes për miratimin e huas. Afati filloi të skadojë në fillim të muajit maj, pas mbledhjes qeveritare ku u morr vendimi për ndërtimin e qendrës së re klinike, përcjell Telegrafi Maqedoni.
“Ende s’kemi informacione që të interesuarit të na pranojnë kredinë para afatit të caktuar. Procedurën e udhëheq Ministria e Financave dhe presin që nesër, pas skadimit të afatit, të informohemi në mënyrë të detajuar. Kërkesat për hua janë dërguar në më shumë se 15 banka ndërkombëtare dhe organzata financiare”, deklaroi ministri i Shëndetësisë, Venko Filipçe.
Nga Ministria e Financave nuk u përgjigjën nëse ndonjë nga bankat tashmë ka dhënë përgjigje ndaj kërkesës së tyre.
Qendra e re klinike pritet të ndërtohet në komunën e Gjorçe Petrovit në vendin e quajtur ‘Vele Pole’. Plani i Ministrisë së Shëndetësisë është që deri në fund të këtij viti të vendoset themelet e Qendrës së re klinike.
