Tuppurainen: Mbështesim fillimin e negociatave në tetor, rasti “Haraçi” është test për shtetin juridik - Bota Sot
Tuppurainen: Mbështesim fillimin e negociatave në tetor, rasti “Haraçi” është test për shtetin juridik

Maqedonia

Tuppurainen: Mbështesim fillimin e negociatave në tetor, rasti “Haraçi” është test për shtetin juridik

Më: 15 gusht 2019 Në ora: 15:25
Tytti Tuppurainen

Finlanda si kryesuese aktuale me BE-në jep mbështetje për fillim të negociatave inkuadruese me Maqedoninë e Veriut dhe presim që kjo të ndodhë në tetor, theksoi sot ministrja finlandeze e Punëve të Jashtme, Tytti Tuppurainen në konferencën e përbashkët për shtyp në Helsinki me zëvendëskryeministrin e angazhuar për çështje evropiane, Bujar Osmani.

“Jemi optimistë se nëse përmbushet agjenda, në tetor do të sillet vendimi për fillim të negociatave. Konsiderojmë se nuk ka arsye për shtyrje të mëtutjeshme”, tha Tytti Tuppurainen.

E pyetur nëse rasti aktual “Haraçi” mund të ndikojë në vendimin e BE-së, ajo u përgjigj se nuk do të duhej, por se veprimi rreth tij është test për shtetin.

“Ky rast është test për shtetin juridik dhe sundimin e së drejtës në Maqedoninë e Veriut. Raporti i fundit i KE-së tregoi se ka progres në këtë sferë dhe kjo tani duhet të tregohet në vepër. Presim hetim objektiv dhe askush të mos lihet mbi ligjin”, porositi Tuppurainen.

Ndërsa zv.kryeministri theksoi se vendi është i përkushtuar në integrimin në BE dhe në NATO dhe se kurrfarë sfide nuk do ta ndryshojë atë.

Ai i shprehi falënderim Finlandës për mbështetjen për integrimin në BE dhe për hapjen e negociatave për anëtarësim në tetor të këtij viti.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...