Në këtë takim, grupet punuese të pushtetit dhe OBRM-PDUKM-së do të përpiqen t’i përafrojnë qëndrimet për Ligjin për Prokurori Publike.
Takimi i fundit i ekipeve të shtunën u anulua dhe nuk kishte asnjë avancim.
Kjo ishte e qartë edhe nga qëndrimet e ditës së sotme. Së pari, kreu i OBRM-PDUKM-së, Hristijan Mickoski në konferencë për shtyp akuzoi ministrin e Drejtësisë, Renata Deskoska si fajtore kryesore se pse palët s’kanë arritur marrëveshje. Edhe Deskoska reagoi ndaj deklaratës së Mickoskit duke para shtruar pyetje “a vlejnë interesat e liderit tuaj më shumë se interesat e qytetarëve”, duke aluduar se Mickoski e mbron Nikolla Gruevskin.
Në mënyrë paralele me bisedat mes pushtetit dhe opozitës maqedonase, në Kuvend duhet të vazhdojë procedura për Propozim-ligjin për Prokurori Publike.
