Partia opozitare maqedonase OBRM-PDUKM, përmes një kumtese për media thekson se për shkak të paaftësisë së pushtetit, viti i ri shkollor sot ka filluar me paqartësi, grevë dhe presione.
Ata thonë se mesazhin që e marrin gjithë nxënësit e shkollave të mesme dhe fillore, është se Maqedonia është shtet i humbur me pushtet të korruptuar.
“Mesazhi që Zaev e dërgon tek ata është se ai ka kohë për haraç, për pritje të tregtarëve të marihuanës, për tendere të kurdisura, por jo edhe për zgjidhjen e problemeve në arsim”.
“Zaev dërgon mesazhin se nëse duhet do ta shes edhe emrin dhe identitetin për të mbetur në pushtet, por nuk e ka ndërmend të sigurojë paga të denja për mësuesit, si dhe shkolla dhe banka të mira”, thonë nga OBRM-PDUKM.
Ata shtojnë se situata në arsim asnjëherë nuk ka qenë më e keqe.
