Deskoska: Për sulmet ndaj mjekëve parashihet dënim me burg deri dhjetë vjet - Bota Sot
Deskoska: Për sulmet ndaj mjekëve parashihet dënim me burg deri dhjetë vjet

Maqedonia

Deskoska: Për sulmet ndaj mjekëve parashihet dënim me burg deri dhjetë vjet

Më: 16 shtator 2019 Në ora: 14:43
Renata Deskoska

Ministrja e Drejtësisë Renata Deskoska, ka folur në lidhje me sulmet ndaj mjekëve duke thënë se parashihet dënim me burg.

Ajo tha se punonjësit e shëndetësisë nuk duhet të jenë cak i sulmeve, duke shtuar se për këtë vepër parashihet dënim me burg prej një deri dhjetë vjet burg.

“Sulm mbi punonjës shëndetësor është sikurse të sulmohet një polic ose person zyrtar dhe është e parashikuar dënim prej një deri në dhjetë vite burg. Qytetarët duhet të jenë të vetëdijshëm për mbrojtjen ligjore të mjekëve, të cilët bëjnë një nga detyrat më humane në botë”, tha Deskoska.

Ajo bëri thirrje që qytetarët të kenë mirëkuptim për punën e mjekëve dhe pengesat eventuale që mund të paraqiten gjatë punës së tyre. Ajo shtoi se do të ketë fushatë për ngritjen e vetëdijes së qytetarëve për këtë çështje.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...