Pas shuarjes së PSP-së, të gjitha lëndët në duart e Prokurorisë Publike - Bota Sot
Pas shuarjes së PSP-së, të gjitha lëndët në duart e Prokurorisë Publike

Maqedonia

Pas shuarjes së PSP-së, të gjitha lëndët në duart e Prokurorisë Publike

Më: 17 shtator 2019 Në ora: 10:03
Foto

Ekipi i Prokurorisë Publike Speciale (PSP) është shkarkuar dhe prokurorët kthehen në prokuroritë publike amë, lëndët e tyre tani e presin vendimin e prokurorit publik shtetëror, Ljubomir Joveski.

Këshilli i Prokurorëve Publikë dje solli vendim për ndërprerjen e mandatit të prokurorëve të PSP-së në pajtim me nenin 9, paragrafin katër të Ligjit për PSP-në dhe sistemimin e tyre në prokuroritë prej të cilave kanë ardhur paraprakisht.

Për atë çfarë ndodh me lëndët e PSP-së, kryetari i Këshillit të Prokurorëve Publikë, Aco Kolevski theksoi se ai bën pjesë në kompetencën e prokurorit publik shtetëror Ljubomir Joveski, për të cilin tha se ka të drejtë që një lëndë të caktuar t’ua ndajë prokurorëve të tjerë publikë.

“Udhëzimi i përkohshëm është një punë. Kjo erdhi në rend dite më pas, megjithatë në këtë moment po flas për ndarjen e lëndëve konkrete për punën e prokurorëve publikë konkretë. Këtë të drejtë e ka në pajtim me Ligjin për Prokurori Publike dhe kjo tani për tani mund të jetë zgjidhje e përkohshme lidhur me veprimin, ndërsa me kohë me zgjerimin e numrit të pozitave të prokurorëve publikë në PPTH për ndjekjen e krimit të organizuar dhe korrupsionit do të sillet vendim përkatës”, deklaroi Kolevski.

Sipas vendimit të Këshillit, Burim Rustemi kthehet në PTHP Kumanovë, Elizabeta Josifovska në PTHP Gostivar, Lubomir Lape në PTHP Kumanovë, Stevço Donev në PTHP Koçan, Fatime Fetai, Gavrill Bubevski, Lençe Ristovska, Trajçe Pelivanov dhe Artan Ajro kthehen në PTHP Shkup ndërsa për Lile Stefanovsën është sjellë vendim për ndërprerjen e mandatit në PTHP për ndjekjen e krimit të organizuar dhe korrupsionit dhe ajo kthehet në PTHP Radovish.

PSP i ka hapur mbi 20 lëndë. Në Gjykatën Themelore Penale në Shkup për sot është caktuar seancë për lëndën “Titanik” të PSP-së. Rasti ndodhet në procedurë dëshmuese dhe atë e ka përfaqësuar prokurorja Lile Stefanova, e cila pas vendimit të djeshëm të Këshillit të Prokurorëve Publikë kthehet në PTHP Radovish.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...