Agapi Dika dëshmon në Prokurori në lidhje me rastin “Haraçi” - Bota Sot
Agapi Dika dëshmon në Prokurori në lidhje me rastin “Haraçi”

Maqedonia

Agapi Dika dëshmon në Prokurori në lidhje me rastin “Haraçi”

Më: 20 shtator 2019 Në ora: 14:36
Agapi Dika

Kryetarja e Aleancës Ndërkombëtare, Agapi Dika, për dy orë ka dëshmuar në Prokurori në lidhje me rastin “Haraçi”.

Gjatë daljes nga Prokuroria ajo tentoi t’i shmang gazetarët duke dalur nga dera e prapme e Prokurorisë.

Ajo tha se nuk ishte në dijeni për 700.000 eurot që pensionistja Todorovska i kishte transferuar në llogarinë e tyre.

Jozyrtarisht mësohet se ajo është ftuar nga Prokuroria, pasi si kryetare e Kuvendit të Aleancës Ndërkombëtare ka qenë nënshkruese e marrëveshjes me biznesmenin nga Manastiri, Siljan Micevski, për ndërtimin e shtëpive për pleq.

Micevski i cili gjithashtu ka dhënë dëshmi në Prokurori, disa herë e ka ndërruar deklaratën e tij.

Sot në Prokurori është thirrur edhe biznesmeni Zoran Azmanovski, i cili më parë kishte deklaruar se të njëjtët persona kishin zhvatur edhe atë.

Përndryshe, në rastin “Haraçi” dyshohen ish-prokurorja speciale Katica Janeva, Bojan Jovanovski “Boki 13” dhe si dhe biznesmeni Zoran Milevski, të cilët për momentin janë në paraburgim.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...