Pronarët e objekteve pa leje në Komunën e Ohrit kanë filluar vetë të rrënojnë verandat pranë objekteve.
Ky veprim vjen pas njoftimit nga Komuna e Ohrit se gjatë fundjavës do të kryhet inspektim, ndërsa në rast se deri atëherë pronarët nuk fillojnë me rrënimet, komuna do të shemb ndërtimet vetë ndërsa pronarët e objekteve do të paguajnë shpenzimet.
“Pas prishjes së secilit objekt individualisht, kompania e përzgjedhur për heqjen e ndërtesave pa leje do t’i paraqesë një listë të shpenzimeve komunës për punën e bërë. Pastaj, komuna me procesverbal, koston e prishjes do tua faturojë pronarëve”, njoftuan nga Komuna e Ohrit.
Ndërsa kryetari i Ohrit Konstatin Georgievski, dje tha se për të gjitha ndërtimet pa leje do të veprohet në përputhje me ligjin, duke shtuar se për këtë problem duhet kohë më e gjatë për t’u zgjidhur.
