Partitë maqedonase me qëndrime të kundërta për ekonominë

Maqedonia

Partitë maqedonase me qëndrime të kundërta për ekonominë

Më: 29 shtator 2019 Në ora: 15:52
Foto

Dy partitë maqedonase kanë qëndrime të kundërta për sektorin e ekonomisë.

Sipas OBRM-PDUKM-së, ekonomia në vend prek fundin ndërsa nga LSDM thonë se ekonomia ecën para dhe paratë kthehen tek qytetarët.

Opozita maqedonase thotë se tashmë tre vite pushteti nuk ka bërë asnjë projekt kapital dhe në vend të rrugëve dhe hekurudhave, Maqedonia ka krim dhe korrupsion.

“28% i realizimit të investimeve kapitale për tetë muaj është tipar i mospunës. Funksionarët e pushtetit nuk sjellin investime, por ‘Louis Vitton’ çanta të mbushura me para. Paaftësia dhe mospuna e Zaev dhe Qeverisë së tij, rezulton me shkurtim të 50 milionë eurove nga investimet kapitale. Nuk ka çerdhe të reja, shkolla, spitale, rrugë por ka punësime partiake dhe mbushje të administratës shtetërore.”, thonë nga OBRM-PDUKM.

LSDM ndryshe nga OBRM-PDUKM thotë se me projektet kapitale po zgjidh nevojat e qytetarëve.

“Në vend të barokut të rremë dhe përmendoreve, ku OBRM-PDUKM shpenzonte paratë e qytetarëve, ne paratë i investojmë që t’i zgjidhim nevojat ekzistenciale të qytetarëve. Investojmë në infrastrukturë dhe me rrugë të sigurta. Në shtet janë ndërtuar mbi 400 kilometra kanalizime”, tha Blagoj Boçvarski nga LSDM.

commentFirst article
Sot mund të lexoni Shfletoni kopertinat