Holanda sot do të vendosë për negociatat e Maqedonisë së Veriut me BE-në - Bota Sot
Holanda sot do të vendosë për negociatat e Maqedonisë së Veriut me BE-në

Maqedonia

Holanda sot do të vendosë për negociatat e Maqedonisë së Veriut me BE-në

Më: 8 tetor 2019 Në ora: 10:28
Foto

Holanda sonte do të vendosë për Maqedoninë e Veriut, për hapjen e negociatave për anëtarësim në BE.

Komisioni për Çështje Evropiane në parlamentin holandez konsiderohet si vendimtar për drejtimin që do të marrin bisedimet e vendeve anëtare të BE-së, në lidhje me vendimin që duhet ta marrin më 15 tetor për Maqedoninë e Veriut dhe Shqipërinë.

Në një letër që shefi i diplomacisë së Holandës e ka dërguar për deputetët e vendit të tij, thotë se Qeveria e Maqedonisë së Veriut ka marrë shumë hapa pozitiv në vitet e kaluar.

“Marrëveshja e Prespës është shembull për rajonin dhe janë marrë hapa të dukshëm për agjendën reformuese. Vazhdimi i rasteve të PSP-së është siguruar me transferimin e tyre në Prokurorinë Themelore. Hap i rëndësishëm që duhet të merret është miratimi i ligjit, i cili do të parandalojë korrupsionin e lartë në të ardhmen. Për këtë çështje ka konsultime intensive në mes opozitës dhe qeverisë. Kjo përmomentin nuk ka sjellë epilog konkret”, thotë ministri Stef Bllok.

Ndryshe, ditë më parë Gjermania solli vendim për të mbështetur hapjen e negociatave me Maqedoninë e Veriut.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...