Prokuroria e Shtipit hapi një hetim paraprak të hënën e kaluar për arratisjen e Igor Spasov.
Prokuroria do të kontrollojë nëse ka përgjegjësi penale tek gjyqtarët, prokurorët dhe mjekët e përfshirë dhe do të hetojë sesi u arratis Spasov dhe nëse dikush e ndihmoi atë në tërë aksion.
“Prokuroria Themelore Publike e Shtipit po heton mundësinë e përgjegjësisë penale në lidhje me vendimin e miratuar për ndërprerjen e dënimit me burg për të dënuarin Igor Spasov. Është dhënë urdhër për kontrollimin e dokumentacionit mjekësor dhe për procedurën me të cilën është marrë vendimi”, thonë nga Prokuroria.
Paralelisht, rasti do të shqyrtohet edhe nga Këshilli Gjyqësor, i cili të enjten i kërkoi rishqyrtim gjykatës së Shtipit për të përcaktuar nëse ka ndonjë përgjegjësi të mundshme tek gjyqtarët.
