Kryeministri i Maqedonisë së Veriut Zoran Zaev, do të realizojë takim me homologun e tij grek Kyriakos Mitsotakis, në kuadër të samitit “Thessaloniki Summit 209”.
Ky samit sipas AIM, do të mbahet më 14 dhe 15 nëntor të këtij viti në Selanik.
Mbajtjen e këtij takimi e kanë zyrtarizuar nga kabineti i kryeministrit grek, ndërsa përveç Zaevit, në samit Mitsotakis do të realizojë takim edhe me kryeministrin bullgari Boyko Borissov.
Ky do të jetë takimi i dytë i kryeministrave të Maqedonisë së Veriut dhe Greqisë, pasi të parin e patën në shtator në New York, në kuadër të Asamblesë së Përgjithshme të OKB-së.
