Kryetari i ORBM-PDUKM-së, Hristijan Mickoski në konferencën e sotme për shtyp zbuloi se partia më e madhe opozitare në listat zgjedhore të zgjedhjeve të parakohshme kuvendare në prill do të dominojnë persona që deri tani nuk kanë qenë pjesë e listave.
“Në pjesën më të madhe, apo tek të gjitha njësitë zgjedhore do të jenë njerëz që nuk kanë qenë bartës liste dhe pjesa më e madhe e kandidatëve do të jenë njerëz që deri tani s’kanë qenë deputetë”, tha Mickoski.
Mickoski mes tjerash u shpreh optimist se Maqedonia në maj do të fitojë datë për nisjen e bisedimeve me Bashkimin Evropian.
