Protesta në Kumanovë për mosvendosjen e flamurit shqiptar në godinën e komunës - Bota Sot
Protesta në Kumanovë për mosvendosjen e flamurit shqiptar në godinën e komunës

Maqedonia

Protesta në Kumanovë për mosvendosjen e flamurit shqiptar në godinën e komunës

Më: 14 nëntor 2019 Në ora: 15:43
Foto ilustrim

Disa të rinj nga qyteti i Kumanovës në mënyrë paqësore kanë shprehur revoltën e tyre para godinës së Komunës së Kumanovës për shkak të mos vendosjes së flamurit shqiptarë në godinën komunale me rastin e 500 vjetorit të qytetit.

Protestuesit kreut të komunës së Kumanovës, i dorëzuan edhe një letër me të cilën e përkujtojnë atë se e ka obligim ligjorë që të respektojë edhe flamurin shqiptarë në raste të tilla.

Komuna e Kumanovës me rastin e festës së 11 Nëntorit – Ditës së Çlirimit dhe 500 vjetorit të saj si qytet, anashkaloi flamurin shqiptar para ndërtesës komunale, derisa ishin të vendosur flamujt serb, turq, boshnjak, rumun.

Kjo praktikë ka ndodhur edhe viteve të tjera, ku nuk është hasur flamuri shqiptar. Nuk dihen arsyet e kësaj praktike që anashkalon shqiptarët që janë etniteti i dytë dominues në këtë komunë.

Shfaq komentet
comments powered by Disqus
Sot mund të lexoni Shfletoni kopertinat