“Buxheti përpiluar për vitin 2020 është populist me të vetmin qëllim, blerjen e votave nga qytetarët. Ky nuk është buxhet për zhvillimin e ekonomisë”.
Kështu ish-ministri i Financave, Trajko Sllaveski nga radhët e OBRM-PDUKM-së e komenton buxhetin për vitin e ardhshëm.
Sipas tij, pushteti nuk planifikon të investojë në ndërtimin e rrugëve, shkollave dhe objekteve tjera infrastrukturore.
“Mjete që nuk investohen në infrastrukturë, ndërtimin e shkollave, spitaleve dhe qendrave tjera, janë të destinuara në mënyrë populiste për shpenzime rrjedhëse për rritjen e pagave në administratë dhe veprimtari të ndryshme”, tha Sllaveski.
Ai tha se qeveria përgatitet duke e flijuar ardhmërinë e vendit me motive populiste që t’i blejë votuesit.
