Dyzet mijë nëpunës të administratës më 14 dhjetor do të pastrojnë mbeturina në disa lokacione të Shkupit, por edhe nëpër qytete tjera të vendit.
Aksionin e organizon Qeveria së bashku me nismën civile “Mos u bë mbeturinë”.
Siç njoftoi ministri i administratës, Damjan Mançevski, qëllimi i nismës është të rritet vetëdija për mjedis më të pastër dhe mbrojtjen e mjedisit jetësorë.
AI tha se në këtë mënyrë, punonjësit do ta kompensojnë ditën e lirë të 2 janarit të këtij viti, që Qeveria e shpalli ditë jo pune për të gjitha institucionet e shtetit.
