Bojan Jovanovski “Boki 13” të martën do të mund të marrë pjesë në gjykimin për rastin “Haraçi”. Nga spitali i përgjithshëm të Shkupit thonë se Jovanovski ka shëndet të mirë dhe do të lëshohet nga spitali ditën e hënë.
“Personi Bojan Jovanovski ishte shtruar në spital në institucionin tonë prej 26.11.2019 deri sot e premte 29.11.2019 me një rekomandim të lëshuar nga mjeku nga ordinanca e burgut të ‘Shuto Orizares’. Ai është vendosur në një apartman të njësisë së kujdesit intensiv për pajtueshmërinë me protokollet e sigurisë dhe jo për keqësim të gjendjes së tij shëndetësore. Bojan Jovanovski aktualisht është në gjendje të mirë të përgjithshme dhe me shëndet të mirë, dhe mbetet në institucion deri sa të përfundojnë rezultatet e kontrolleve. I njëjti është planifikuar të lirohet nga spitali “8 shtatori”, më së voni, të hënën, 02.12.2019″, thonë nga spitali.
Gjyqi i parë për Jovanovski është caktuar për të martën, 3 dhjetor. Sipas aktakuzës, nga nëntori i vitit 2018 deri në prill 2019, i akuzuari Bojan Jovanovski, i njohur si “Boki 13”, përdori miqësinë me shefen e PSP-së, Katica Janeva dhe ndikoi që ajo të nxirrte nga burgu biznesmenin e dyshuar në rastin “Perandoria” Orce Kamçev.
