Në Kuvendin e Maqedonisë sot duhet të vazhdojë të mbahet diskutim për amandamentet për Propozim buxhetin për vitin 2020. Ky është vazhdimi i pestë me radhë që duhet ta mbajë kuvendi dhe sipas rregullores, duhet të mbarojë këtë javë diskutimi në nivel komisionesh.
Seanca plenare për propozim buxhetin duhet të jetë më 16 dhjetor ku deputetët duhet të diskutojnë dhe pastaj të votojnë.
Ky buxhet është duke u kritikuar nga opozita shqiptare për shkak se, siç thonë ata, shqiptarët janë pak të përfshirë nëpër projektet kapitale.
