Mosrespektimi i Ligjit për ndalim të pirjes së duhanit në hapësira të mbyllura bëri që të niset nismë për peticion në rrjetet sociale.
“Bëhet fjalë për shëndetin tonë dhe shëndetin e fëmijëve tanë. Puna është se ne e kimi atë ligj të miratuar, por nuk zbatohet, ashtu siç duhet”, deklaroi nismëtari i nismës ‘Ndalo me pirjen e duhanit në hapësirë të mbyllur’.
Nga Qeveria thonë se shëndeti i qytetarëve është prioritet dhe ligji aktual rregullon në mënyrë të qartë se çfarë lloji të objekteve gjysmë të hapura lejohet pirja e duhanit.
“Nuk ka liberalizim të plotë të pirjes së duhanit në ambiente të mbyllura. Presim kontrollime të përforcuara dhe ju bëjmë thirrje inspektorëve të kontrollojnë”, shprehen nga qeveria.