Kryeministri kroat, Andrej Plenkoviq në fjalimin e tij para Kuvendit Evropian tha se “organizimi i Samitit të BE-së në Zagreb dhe nisja e bisedimeve për anëtarësim të Maqedonisë dhe Shqipërisë janë prioritetet kryesor të kryesimit të Kroacisë në me BE-në”.
Siç njoftojnë nga AIM, duke prezantuar prioritetet e kryesimit kroat me BE-në, Plenkoviq para eurodeputetëve theksoi se Kroacia nuk e fsheh ambicien që të sigurojë përkrahje nga vendet anëtare për fillim të nisjes së bisedimeve për anëtarësim me Maqedoninë e Veriut dhe Shqipërinë.
Plenkoviq rikujtoi se Kuvendi Evropian, pas vetos së Francës vjet në tetor, miratoi rezolutë ku mbështetet hapja e bisedimeve me Shqipërinë dhe Maqedoninë dhe me këtë, sipas tij, Kuvendi Evropian vërtetoi përkushtimin ndaj politikës kredibile të zgjerimit të BE-së.
Kryeministri kroat tha se kryesimi i Kroacisë me BE-në është shembull më simbolik dhe me këtë dërgohet mesazh për partnerët e Evropës Jug-lindore që nëse vazhdohet me reforma dhe përmbushen kriteret për anëtësim, perspektiva evropiane nuk rrezikohet.
