Deputetët me 63 vota “pro”, tetë kundër dhe pa abstenim këtë pasdite zgjodhën Sonja Trifunovska si zëvendës Avokat të Popullit, e cila do të punojë në Shkup.
Qeveria dhe opozita kishin mendime të kundërta për propozimin që Trifunovskës, një e diplomuar për drejtësi në Tetovë, të ishte zëvendës i Avokatit të Popullit.
Nikolla Micevski nga OBRM-PDUKM e akuzoi LSDM-në se edhe në institucionin e Avokatit të Popullit dëshiron të instalojë kuadrin e saj dhe të hedh njollë në punë. Ai tha se Sonja Trifunovska është anëtare e Komisionit të LSDM-së dhe anëtarë të Forumit të grave të LSDM-së.
Avokati Popullit Ixhet Memeti theksoi se është e drejta e tij që të propozojë zëvendësit e tij para Kuvendit. Ai informoi deputetët se nga tre nga kandidatët vetëm dy i plotësojnë kushtet, ndërsa një prej tyre është Trifunovska.
