Reformat në Shëndetësi të prezantuara vitet e fundit po kontribuojnë seriozisht në një cilësi më të mirë të jetës për pacientët të cilët pajisen me ilaçe të nevojshme, si dhe për stafin mjekësor me rritje të pagave dhe kushte më të mira të punës, theksoi Ministri i Shëndetësisë Venko Filipçe në një tribunë në Kumanovë.
Filipçe theksoi se heqja e kuotës për ilaçet, e cila filloi së pari në qytetet turistike, dhe që nga tetori 2019 dhe në të gjithë vendin ka kontribuar ndjeshëm në lëshimin e një numri më të vogël të recetave nga mjekët. Tani ata mund të përqendrohen më shumë tek pacientët pa menduar se si t’i furnizojnë me ilaçet e nevojshme.
Ministri i Shëndetësisë kujtoi mundësinë e kufizuar të përdorimit të ilaçeve për pacientët me sëmundje të rralla, të cilët madje prisnin personalisht përpara spitaleve që të merrnin ilaçet e nevojshme.
