Shpresoj se fushata zgjedhore do të ketë përmbajtje, jo vetëm akuza ndërpartiake, ka porositur ambasadori gjerman në vend, Thomas Gerberich në intervistën për “Slloboden Peçat”.
Gerberich tha se çdo palë e locon tjetrën si kriminale, flitet për ‘bomba’, por kur ata do të shpërthejnë nuk janë aq të forta që të mund të ekzistojë frikë prej tyre.
“Do të ishte e rëndësishme për votuesit të dinë se çfarë programi kanë partitë, në ç’drejtim duan ta çojnë shtetin në të ardhmen, në interes të qytetarëve, të vendit. Kur ajo do të ndodhë, mendoj se më shumë votues do të dilnin në zgjedhje”, thotë Gerberich i cili shton se më mirë do të ishte zgjedhjet të jenë të rregullta në vend se të parakohshme, pasi ajo është një faktor përcaktues i stabilitetit.
Lidhur me Ligjin e Prokurorisë Publike, Gerberich ka thënë se ligjet e reja në fakt nuk sjellin më shumë drejtësi, por shanset për drejtësi dhe luftë kundër korrupsionit varen nga implementimi i arsyeshëm i ligjeve.
Në pyetjen nëse Gjermania edhe më tej është në qëndrimin se Maqedonia dhe Shqipëria të mos ndahen në vendimin e negociatave me BE-në, Gerberich tha se do të ishte e dëshirueshme që me dy vendet të mund të fillojnë negociatat qasëse.
Sa u takon reagimeve të shteteve-anëtare rreth metodologjisë së re dhe sa janë gjasat që të merret datë në mars, Gerberih ka thënë se nuk ka informatë përfundimtare, por shton se negociatat në BE shkojnë në drejtim të mirë.
