Dje ka ndodhur një aksident i rëndë në Strumicë ku një vetur ka goditur katër fëmijë, njëri prej të cilëve ka ndërruar jetë.
Dje rreth orës 14.10 në afërsi të Ambulancës Shëndetësore në fshatin Bansko të Strumicës, M.N. (25) nga fshati Bansko, duke drejtuar makinën “Zastava” me targa të Strumicës, ka humbur kontrollin dhe ka goditur katër fëmijë të mitur të moshës 4, 9, 14 dhe 17 vjeç, të gjithë nga fshati Bansko.
Më pas makina ka goditur edhe një pol elektrik. Pas aksidentit, shoferi dhe këmbësorët janë dërguan në Qendrën Mjekësore në Strumicë për trajtim mjekësor, me ç’rast mjeku ka konstatuar vdekjen e fëmijës katër vjeçar.
